Аввал маълум қилинганидек, хусусийлаштириш бўйича консультант “Grant Thornton” халқаро консалтинг компанияси жалб этилган ҳолда амалга оширилган рақобатга асосланган оммавий ошкора сотув жараёни натижасида “Ўзагроэкспортбанк” АТБ устав капиталидаги 100 фоиз давлат акциялар пакетини 4,0 млн. АҚШ долларига сотиш юзасидан “Совкомбанк” ОАЖ (Россия Федерацияси) билан Келишувга эришилган ва жорий йилнинг 23 февраль куни Давлат активларини бошқариш агентлиги ва Совкомбанк ўртасида мазкур акциялар пакети олди-сотди Битими имзоланган эди.
Бироқ, Совкомбанк томонидан битимни амалга ошира олмаслиги тўғрисидаги мурожаатига асосан Битим жорий йилнинг 27 сентябрида томонларнинг ўзаро келишувига асосан бекор қилинганлиги маълум қилинади.
Бу юзасидан Давлат мулкини сотишда тендер савдоларини ўтказиш бўйича давлат комиссиясининг тегишли қарори қабул қилинган.
Давлат активларини бошқариш агентлиги
Ахборот хизмати
