Ру Ўз O'z En

Янгиликлар

19 Июнь 2021

“Нукус винозаводи”АЖнинг 51,0 фоиз акциялар пакетини сотиш тўғрисида ЭЪЛОН

     Ўзбекистон Республикаси Президентининг 2021-йил 11-февралдаги “Давлат активларини хусусийлаштириш жараёнларини янада жадаллаштириш тўғрисида”ги ПФ–6167-сон Фармонига мувофиқ, Ўзбекистон Республикаси Давлат активларини бошқариш агентлиги ҳузуридаги “УзАссетс инвестиция компанияси” АЖ (кейинги ўринларда – УзАссетс ёки Сотувчи) “Нукус винозаводи”АЖ (кейинги ўринларда – Компания ёки Нукусвино) устав капиталидаги 51 фоиз акциялар пакетини рақобатга асосланган сотув жараёни орқали сотиш режасини эълон қилади (кейинги ўринларда – Битим ёки Сотув). УзАссетс, бошқа омиллар билан бир қаторда, Битим қийматини максимал даражага оширишдан манфаатдор.
Мазкур Битим доирасида, халқаро миқёсда тан олинган консалтинг компаниялардан келиб тушган энг яхши таклифларни танлаб олиш орқали Нукусвинони хусусийлаштириш бўйича маслаҳатчи сифатида КПМГ компанияси (кейинги ўринларда – Маслаҳатчи) танлаб олинган.
Компания тўғрисида қисқача маълумот:
•Компания Қорақалпоғистон пойтахти Нукус шаҳрида жойлашган;
•Нукус вино Ўзбекистонда алкоголли ичимликлар бозорида этакчи ўринни эгаллаши билан бирга Нукус шаҳри бюджетининг салмоқли қисмини таъминловчи стратегик корхона ҳисобланади;
•Компания “Қаратау”савдо белгиси остида ароқ маҳсулоти ишлаб чиқаради. Ушбу ароқ маркаси Ўзбекистонда энг таниқли брендлардан бўлиб, унинг ҳиссасига Нукус Вино ароқ маҳсулотлари ишлаб чиқариш ҳажмининг 95 фоиздан ортиғи тўғри келади;
•Жорий ишлаб чиқариш қуввати - йилига 1,1 миллион декалитрдан ортиқ алкоголли ичимликларни, 2020 йилда қувватлардан фойдаланиш даражаси 85 фоизни ташкил этди;
•Маҳсулотларнинг аксарияти ички бозорда, хусусан 90 фоизга яқини Қорақалпоғистонда сотилади. Тушумларнинг кичик ҳиссаси Қозоғистонга экспорт ҳисобига тўғри келади;
•Компания ходимларининг умумий сони 170 кишидан ортиқ;
•2020 йилда маҳсулот сотишдан тушум 13,9 миллион АҚШ долларини, ялпи фойда - 3 миллион АҚШ долларини, соф фойда - 1,3 миллион АҚШ долларини ташкил этди;
•Корхона газ, сув, электр энергияси каби муҳандислик коммуникацияларига уланган.
Қуйидаги ҳавола орқали Компания тўғрисида қўшимча маълумот олиш мумкин:https://nukus-vinozavod.uz/

     Битимни амалга ошириш ва Сотиш жараёни барча манфаатдор томонлар (кейинги ўринларда – Иштирокчилар) учун очиқ бўлган таклифларни тақдим этишнинг рақобатга асосланган жараёни сифатида ташкил этилган. Қабул қилинган ёндашувга мувофиқ, Компанияни сотиш механизми ва жараёни қуйидаги босқичлардан иборат бўлади:
1 Хат шаклида ариза (кейинги ўринларда – Ариза) юбориш орқали Битимда иштирок этиш истагини билдириш ва иштирокчиларни малакавий саралаш;
2 Тижорат ва молиявий таклифларни кўриб чиқиш ва Битимни тузиш.
     Биринчи босқичда Иштирокчиларга ўзбек, рус ёки инглиз тилларида (аризачининг ихтиёрига кўра, аммо рус ёки ўзбек тилларида тайёрланган хат инглиз тилидаги хат билан юборилиши лозим) тайёрланган хат шаклидаги Аризаларни Битимни амалга ошириш учун етарли молиявий ва бошқарув ресурслари мавжудлигини назарда тутувчи малака талабларига мувофиқлиги тўғрисидаги ҳужжатлар ёки шу малака талабларига мос келиши тўғрисидаги тасдиқ хати билан бирга тақдим этиш таклиф қилинади. Малака талабларининг тўлиқ рўйхати 1-иловада кўрсатиб ўтилган. Тасдиқ хати билан Ариза берилган ҳолда, тасдиқловчи ҳужжатлар Мажбурий таклифни тақдим этиш муддатидан кечиктирмасдан тақдим этилиши мумкин. Аризаларни 2021-йил 19-июль куни Тошкент вақти билан соат 18:00 дан кечиктирмасдан қуйидаги электрон манзилларга юбориш лозим: a.mukhamatkulov@uz-assets.uzdkalazhanov@kpmg.kzannakireeva@kpmg.russandykbayeva@kpmg.kz Аризалар бериш жараёни барча Иштирокчилар учун очиқ. УзАссетс жалб қилинган Маслаҳатчи билан биргаликда Компанияни сотиш жараёнини шаффоф, профессионал ва муваффақиятли ташкил этиш учун барча зарур чораларни кўради. Келиб тушган Аризаларни ўрганиш натижаларига кўра, Сотувчи, 2021-йил 23-июлдан кечиктирмай, иккинчи босқичга – тижорат ва молиявий таклифларни кўриб чиқиш босқичига ўтказишга рухсат берилган иштирокчилар рўйхатини (Шорт-Лист) шакллантиради ва улар танлов натижалари тўғрисида шахсан хабардор қилинади.

     Иккинчи босқич иштирокчиларига Ошкор этмаслик тўғрисидаги битимни (кейинги ўринларда - ОЕБ) 2021-йил 25-июлдан кечиктирмасдан имзолаш таклиф қилинади. ОЕБ имзоланганидан сўнг иккинчи босқич иштирокчилари Сотув жараёни билан боғлиқ қўшимча тушунтиришлар ва Компаниянинг операцион фаолияти тавсифини, шунингдек молиявий маълумотлар ва Компаниянинг молиявий кўрсаткичлари прогнозларини ўз ичига олган ахборот меморандуми шаклидаги Компанияга оид ахборот материалларини олишади. Бундан ташқари, иштирокчиларга Компанияни қўшимча ўрганиш, шу жумладан Компаниянинг батафсил молиявий, ҳуқуқий, солиқ ва бошқа маълумотларини, шунингдек, Маслаҳатчи томонидан тайёрланган сотишдан олдинги ўрганиш натижаларини ўз ичига олган виртуал маълумотлар хонасига кириш имконияти берилади. Шунингдек, иштирокчиларга Компанияга ташриф буюриш ҳуқуқи берилади. Бундан ташқари, иккинчи босқич иштирокчиларига Олди-сотди шартномаси лойиҳаси (кейинги ўринларда – Шартнома) унга тузатишлар ва изоҳларни Мажбурий таклифлар билан биргаликда тақдим этиш учун берилади. Компания тўғрисидаги маълумотларни ўрганиб чиққандан сўнг, иккинчи босқич иштирокчиларига Битимни амалга ошириш учун Мажбурий таклифни 2021-йил 6-сентябрдан кечиктирмасдан тақдим этиш сўралади. Музокаралар давомида нарх таклифи ва сотиб олиш-сотиш шартномасининг келишилган шартларини энг яхши комбинациясини таклиф қилган иштирокчи ғолиб деб эьлон қилинади. Сотувчи ғолибни "Тошкент" Республика фонд биржаси қоидаларига ва Ўзбекистон Республикаси қонунчилигига биноан Битим тузишга таклиф қилади.

1-Илова. Жараён Иштирокчиларига (юридик ва жисмоний шахсларга) қўйиладиган малака талаблари

     Ушбу талаблар (нарх таклифи ва бошқа тижорат шартларини ўз ичига олган шартлар билан бир қаторда) ғолибни аниқлаш учун мўлжалланган.
•Харидор томонидан Компания фаолиятининг асосий йўналишларини (вино ва ароқ маҳсулотларини ишлаб чиқариш) сақлаб қолиш истаги ва заводнинг ишлаши, шу жумладан саноат хавфсизлиги, меҳнатни ва атроф-муҳит муҳофаза қилиш талабларини бажариш учун имконияти мавжудлигини тасдиқлаш;
•Битимни, шунингдек Компаниянинг операцион фаолиятини ўз ва/ёки қарз маблағлари ҳисобидан молиялаштириш имконияти мавжудлигини тасдиқлаш;
•Харидорнинг таъсисчилари, бенефициарлари ва мансабдор шахслари:
•уларга нисбатан жиноий ишлар ва терговларнинг мавжуд эмаслигини тасдиқлаши;
•сохта тадбиркорлар ва банкротларнинг халқаро рўйхатларига, шунингдек, Ўзбекистон Республикасининг шу каби рўйхатларига киритилмаган бўлиши лозим.
•“Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида”ги Ўзбекистон Республикасининг 660-ИИ-сонли Қонунига (2019 йил 15 январдаги таҳририда) риоя қилиш;
•Нукус Вино ходимлари олдидаги ижтимоий шарт-шароитларни амалдаги жамоавий шартномада кўрсатилганидан кам бўлмаган даражада бажаришга имконияти мавжудлиги ва тайёр бўлишлик;
•12 ой давомида Компания ходимлар сонини Битим ёпилган кундаги Компаниянинг ходимлари сонидан кам бўлмаган даражада сақлаб туришга имконият мавжудлиги ва тайёр бўлишлик;
•“Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Ўзбекистон Республикасининг 370-сонли Қонунининг (2014 йил
•5 майдаги таҳририда) қолган акциялар эгаларига акцияларни бозор қийматида сотиб борасидаги таклифини эълон қилиш бўйича талабига риоя қилиш.
Қўшимча шартлар:

УзАссетс сотиш жараёнининг кетма-кетлигини ўзгартириш ёки потенциал харидорга (харидорларга) сотишни ёки сабабларини тушунтирмасдан исталган вақтда улар билан музокара олиб боришни рад этиш ҳуқуқини ўзида сақлаб қолади.
     Ушбу эълон ёки унинг мазмунининг бирон бир қисми мазкур эълон чоп этилишидан келиб чиқиб тахмин қилиниши мумкин бўлган УзАссетс, Компания ва КПМГнинг Компанияни сотиш билан боғлиқ бирор бир шаклдаги мажбурияти сифатида талқин қилинмаслиги керак. УзАссетс ва КПМГ ўз хоҳишига кўра ҳар қандай вақтда ва ҳар қандай ҳолатда, биргаликдаги ёки шахсий жавобгарликни ўз зиммаларига олмасдан:
(и) аризалар бериш муддатига ўзгартириш киритиш;(ии) турли хил манфаатдор шахслар учун турли хил тартиб-қоидалар бўйича иш тутиш ва/ёки УзАссетс, Компания ва КПМГ томонидан кўзда тутилган режа жадвал ва тартиб доирасида исталган бошқа потенциал харидорни (харидорларни) олдиндан огоҳлантирмасдан чиқариб ташлаган ҳолда бир ёки бир нечта потенциал харидорлар билан музокаралар олиб бориш;
(иии) ҳар қандай сабабга кўра сотиш жараёнини тўхтатиш; ва/ёки (ив) исталган вақтда ва сабабларни тушунтирмасдан Битимга тааллуқли бўлган ҳар қандай потенциал харидор (харидорлар) билан ҳар қандай муҳокама ва музокараларни тугатиш ҳуқуқларини ўзида сақлаб қолади;
(в) Компаниянинг минимал сотиш нархини маълум қилиш; (ви) жараён ҳақида қўшимча маълумот ёки тушунтиришлар олиш учун a.mukhamatkulov@uz-assets.uzdkalazhanov@kpmg.kzSSandykbayeva@kpmg.kz ва annakireeva@kpmg.ru  электрон почта манзилларига мурожаат қилиш мумкин.

5198 Чоп этиш
Нажмите на кнопку ниже, чтобы прослушать текст Powered by GSpeech