Давлат активларини бошқариш агентлиги директорининг 2024 йил 13 февралдаги “Майдони 2 000 метр квадратгача бўлган бўш турган давлат кўчмас мулк объектларини жисмоний шахсларнинг онлайн-буюртманомасига асосан хусусийлаштириш ёки ижарага бериш учун тўғридан-тўғри электрон онлайн-аукцион савдоларига чиқариш тартиби тўғрисидаги низомни тасдиқлаш ҳақида”ги 56-сон Буйруғи Адлия вазирлигида 2024 йил 18 мартда 3503-сон рақами билан рўйхатга олинди.
Низомга мувофиқ қуйидагилар белгиланмоқда:
- Жисмоний шахслар ўзлари аниқлаган майдони 2 000 метр квадратгача бўлган бўш турган давлат кўчмас мулк объектини электрон онлайн-аукцион савдоларига чиқариш учун Давактив агентлигининг "Давлат мулки" ахборот тизими орқали онлайн-буюртманома юбориши;
- Давактив агентлиги ҳузуридаги Давлат мулки объектларидан самарали фойдаланиш маркази ходимлари томонидан онлайн-буюртманомада келтирилган кўчмас мулк объекти жойига чиққан ҳолда ўрганилиши;
- Ўрганиш натижасига кўра, расмийлаштирилган далолатномада онлайн-буюртманомада келтирилган давлат кўчмас мулк объектини электрон онлайн-аукцион савдоларига чиқаришни рад этиш ёки ижарага бериш учун электрон онлайн-аукцион савдоларига чиқариш ёхуд хусусийлаштириш учун электрон онлайн-аукцион савдоларига чиқариш масаласини кўриб чиқиш тўғрисида хулосаси жисмоний шахсларга SMS-хабарнома орқали юборилиши;
- Жисмоний шахсларга, уларнинг онлайн-буюртманомалари бўйича хусусийлаштириш ёки ижарага бериш учун электрон онлайн-аукцион савдоларига чиқарилган бўш турган давлат кўчмас мулк объектларининг лот рақамлари SMS-хабарнома орқали юборилиши белгиланган.