Тегишли хусусийлаштириш дастурларига мувофиқ, "Ўзбекнефтгаз" АЖни хусусийлаштириш стратегиясини ишлаб чиқиш учун Rothschild компанияси профессионал консультант сифатида жалб қилинди ҳамда Давактив агентлиги, Rothschild компанияси ва "Ўзбекнефтгаз" АЖ ўртасида 3 томонлама шартнома расмийлаштирилди.
Мазкур шартнома доирасида консультант томонидан нефть ва газ соҳаси, шу жумладан “Ўзбекнефтгаз” АЖни хўжалик, молиявий ва солиқ фаолиятининг таҳлиллари ўтказилиб, унинг натижасига мувофиқ жамиятнинг хусусийлаштириш стратегияси ишлаб чиқилади.
Маълумот учун:
2021 йилда Rothschild компанияси консультантлигида “Coca-Cola Ichimligi Uzbekiston, Ltd” МЧЖ устав капиталидаги 57,118 фоиз давлат улушини “Cоcа-Cоlа İçеcек А.Ş.” (CCI) компаниялар гуруҳига 252,28 миллион АҚШ долларига мувофақиятли хусусийлаштирилган эди.
"Ўзбекнефтгаз" АЖ — нефть ва газни қидириш, қазиб олиш, ташиш, сақлаш, қайта ишлаш ва реализация қилиш билан шуғулланувчи акциядорлик жамияти. Ўзбекистондаги энг йирик давлат компаниясидан бири.
"Rothschild & Co" молиявий холдинг компания. "Rothschild & Co" Rothschild банк гуруҳининг флагмани ҳисобланади ва Rothschild гуруҳини, жумладан "N. M. Rothschild & Sons" ва "Rothschild & Cie Banque"ни назорат қилади. Компания 1838 йилда ташкил топган. Компаниянинг 2015 йилдаги айланмаси 1,4 млрд евро, соф фойдаси 160 млн евродан ошган, активлари 9,1 млрд еврода баҳоланган.
