Фарғона вилояти, Риштон туманидаги бошланғич нархи 3,6 млрд.сўмлик автомобилларга сиқилган газ қуйиш шохобчаси учун ўтган савдода 5 нафар иштирокчи қатнашди. Савдо натижасида ушбу давлат активи 4,5 млрд.сўмга реализация қилинди.
Маълумот учун, автомобилларга газ тўлдириш шохобчаси 1,08 гектар ер майдонига эга бўлиб, автомобилларга газ тўлдириш компрессор шохобчаларида сиқилган табиий газни сотиш фаолиятини амалга ошириш лицензиясига эга. Харидор лицензия талабларига жавоб берса, ушбу лицензия унга белгиланган тартибда расмийлаштирилади.
