Давактив агентлигининг жорий йил 22 августдаги “Фотон” АЖ устав капиталидаги 85,6 фоиз давлат улушини сотиб олиш бўйича танлов эълонига мувофиқ қуйидагилар маълум қилинади.
Давактив агентлиги савдо жараёнларида иштирок этаётган салоҳиятли талабгорларнинг cўровига мувофиқ, уларга активни яхшироқ ўрганиш ва малакавий тайёрланишига кўпроқ имконият яратиш, шунингдек сотиш жараёнларини янада шаффоф ва рақобат муҳитида ўтказиш мақсадида, барча манфаатдор томонлар ва салоҳиятли инвесторларга “Фотон” АЖ устав капиталидаги давлат улушини хусусийлаштириш жараёнининг Мажбуриятга эга бўлган таклифларни (BO) қабул қилиш муддатини 2023 йил 9 октябрь куни соат 18:00 га (Тошкент вақти билан) қадар узайтирилганлигини маълум қилади.
Аввал маълум қилинганидек, Abrau Capital компанияси ушбу Битим юзасидан Агентликнинг хусусийлаштириш бўйича маслаҳатчиси сифатида жалб қилинган.
Қўшимча маълумотлар билан қуйидаги ҳавола орқали танишишингиз мумкин.
