Жорий йилнинг 15 октябрь куни соат 16:00да Давактив агентлигида Тошкент вилояти, Бўстонлиқ тумани, “Чимён” ҚФЙ манзилида жойлашган “Белдерсой оромгоҳи” дам олиш маскани ва “Белдерсой” спорт базаси (канат йўли)ни сотиб олиш бўйича савдо жараёнларининг иккинчи босқичига ўтган талабгорларнинг тижорат таклифлари пакети ошкора очилади.
Ушбу жараёнга Давлат тендер комиссияси аъзолари, талабгорлар ва оммавий ахборот воситалари вакиллари таклиф этилади.
Пандемия шароитидан келиб чиқиб, шахсан қатнаша олмайдиган талабгорлар учун видеоконференц алоқа воситаси орқали иштирок этиш имконияти яратилади (https://us02web.zoom.us/j/86456263050 ).
Ишчи орган томонидан давлат активини сотиб олишга талабгорнинг нарх таклифи, тўловларни амалга оширишнинг муддатлари ва тўлов қобилиятининг етарлилиги ўрганилади ҳамда натижаси бўйича ҳисобот тайёрланади.
Давлат тендер комиссиясининг савдонинг иккинчи босқичи якунлари бўйича қарори Давактив агентлигининг расмий веб-сайти ва ижтимоий тармоқлари орқали эълон қилинади.
