Ўзбекистон Республикаси Давлат активларини бошқариш агентлиги (кейинги ўринларда - Давактив агентлиги/Буюртмачи) тегишли хусусийлаштириш дастурларига мувофиқ, иловада кўрсатилган 40 та давлат корхоналари (кейинги ўринларда – Активлар)да “битта акция — битта лот” ўтказиш стратегиясини ишлаб чиқиш ва жараённи мувофиқлаштириш бўйича етакчи профессионал консалтинг компанияси (кейинги ўринларда - Консультант)ни жалб қилиш юзасидан танлов эълон қилади.

Барча қизиқиш билдирган талабгорлардан қуйида келтирилган Таклиф тақдим этиш учун сўровнома (RfP)га асосан ўз таклифларини 2023 йил 1 июнь куни соат 18:00 (Тошкент вақти билан)га қадар тақдим этишларини сўраймиз.

Барча қизиқиш билдирган консультантлар қуйидаги ахборот каналлари орқали тижорат таклифларини тақдим этишлари сўралади (кодланган ҳолда):

Охунов Шохрух Баходир ўғли – Давлат активларини хусусийлаштиришга тайёрлаш ва хусусийлаштириш департаменти бошлиғи;

Тел.: + 998-71-259-20-23;

Эл.почта: tender@davaktiv.uz.

Самандаров Талъат Юлдашевич — Давлат активларини хусусийлаштиришга тайёрлаш ва хусусийлаштириш департаменти бошлиғининг ўринбосари;

Телефон: + 998-71-259-20-67;

Эл.почта: tender@davaktiv.uz.

Қўшма тижорат таклиф тақдим этилган тақдирда, жалб қилинган шерик консультант ишларини мувофиқлаштирувчи ва масъулиятни ўз зиммасига олувчи Бош консультантни кўрсатиш керак.

Дисклеймер

Мазкур сўровнома тижорат таклифини тақдим этиш мажбурияти ҳисобланмайди ва Буюртмачига таклифни қабул қилиш ёки шартнома тузиш мажбуриятини юкламайди. Шунга кўра, таклифлар учун ушбу сўровномани эълон қилиш ва/ёки у билан боғлиқ аризаларни олиш, бир ёки бир нечта иштирокчилар билан музокаралар ва муҳокамалар орқали шартнома тузишни назарда тутмайди.

Ушбу ҳужжатда келтирилган материаллар ва маълумотлар лойиҳанинг фақат энг муҳим томонларининг дастлабки хулосаси ва Консультантдан стратегияни амалга ошириш бўйича кутилиши мумкин бўлган ишлар ҳажми тўғрисида умумий маълумот сифатида хизмат қилишига мўлжалланган.

Танлов иштирокчилари танлов жараёни билан боғлиқ ҳолда Буюуртмачи учун дастлабки тақдимотлар ва таклифларни тайёрлашнинг ягона чекланган мақсадидан ташқари, ҳеч нарсага таянолмайдилар ва ишонмасликлари шарт.

40 та давлат корхоналарида “халқ IPO”сини ўтказиш стратегиясини ишлаб чиқиш ва жараённи мувофиқлаштириш учун етакчи профессионал консультантни жалб қилиш бўйича Таклиф тақдим этиш учун сўровнома (RfP)

Кириш

Ўзбекистон Республикаси Президентининг 2023 йил 24 мартдаги “Иқтисодиётда давлат иштирокини қисқартиришнинг қўшимча чора-тадбирлари тўғрисида”ги ПҚ-102-сон қарорига мувофиқ, 40 та давлат корхоналари (кейинги ўринларда – Активлар)да “битта акция – битта лот” тамойили асосида “халқ IPO”сини ўтказиш белгиланган. Топшириққа мувофиқ, қуйидаги активларнинг акциялари Ўзбекистон Республикаси фуқароларига таклиф қилинади.

Ўзбекистон Республикаси Давлат активларини бошқариш агентлиги (кейинги ўринларда – Буюртмачи) савдо жараёнларини мувофиқлаштириш ва лойиҳа офисларини ташкил этиш учун профессионал ташкилотларни жалб қилишда энг мақбул таклифлар асосида танлов ўтказишни режалаштирган.

Мазкур таклиф тақдим этиш учун сўровнома (кейинги ўринларда – Сўровнома) Консультантга қўйиладиган талабларни ва баҳоланадиган унинг таклифлар структурасини, шунингдек ушбу Сўровномада кўрсатилган ишлар ҳажмини олиб бориш жараёнини таснифлайди. Барча соҳада хизмат кўрсатувчи Косультантлар консорциум ёки қўшма таклиф тақдим қилган ҳолда иштирок этишлари мумкин.

Консультантлардан кутилаётган таклифлар тузилмаси ва уларга қўйиладиган талаблар

Таклифлар битта халқаро ва битта маҳаллий даражадаги профессионал ташкилотлардан иборат Консуорциум профессионал ташкилотлар ёки алоҳида консалтинг ташкилотлар томонидан тақдим этилиши мажбурийдир.

Таклиф рус/инглиз ёки ўзбек тилида тайёрланиши зарур, қуйидаги маълумотларни ўз олиши керак:

1. Лойиҳани мувофаққиятли амалга ошириш учун таклифий ҳаракатларнинг батафсил тавсифлаш билан ишлар ҳажми бўйича таклиф. Консультантнинг тавсиялари ва таклифларига қисқа вақт ичида тегишли жавоб берилган тақдирда, хусусийлаштириш жараённинг давомийлиги бўйича хулосаси (10 баллгача);
2. Хизмат хақи тўғрисида маълумот: Солиқлар (ҚҚС)ни ҳисобга олган ҳолда қўшимча операцион харажатларни инобатга олган ҳолда қатъий белгиланган миқдор (60 баллгача);
3. Шу тоифадаги лойиҳалар бўйича иш тажрибаси тўғрисидаги маълумотлар, шунингдек, Консультантнинг 2018 йил 1 январь кунидан бошлаб ҳозирги даврга қадар МДҲ минтақасидаги мандатлар тўғрисида маълумотлари (15 баллгача);
4. Лойиҳани бошқариш ва ишларни ташкиллаштириш бўйича таклиф. Мазкур лойиҳага жалб қилинган жамоа тўғрисидаги маълумот, алоҳида шахсларнинг исмлари ва улар тўғрисидаги иш тажрибаси, фаолият муддати, битимлар тузиш бўйича умумий тажрибаси ва транзакцияни амалга ошириш бўйича тажрибаси тўғрисидаги маълумотлар (15 баллгача).
5. Қўйилган вазифаларни бажариш учун етарли салоҳият ва ваколатга эгалиги, шунингдек, инсон, вақт ва моддий ресурсларнинг мавжудлиги тўғрисида ёзма ариза.
6. Манфаатлар тўқнашуви мавжудлиги тўғрисида маълумот. Консультант ушбу лойиҳага жалб қилинган тақдирда зиддиятлар олиб келиши мумкин бўлган ҳолларда салоҳиятга эга эканлигини кўрсатиш тўғрисида маълумот.

40 та давлат корхоналарида “халқ IPO”сини ўтказиш стратегиясини ишлаб чиқиш ва жараённи мувофиқлаштириш бўйича консультантдан кутилаётган ишлар ҳажми:

Консультантнинг ишлар ҳажмига Давактив агентлигининг бошқа консультантлари, жумладан андеррайтерлар, брокерлар ва бошқаларнинг фаолиятини, шунингдек Активларнинг сотиш жараёнларини умумий мувофиқлаштириш вазифалари киради.

- маҳаллий бозор хусусийятларини инобатга олган ҳолда халқаро тажриба асосида “битта акция – битта лот” тамойили бўйича  “халқ IPO”сини ўтказиш юзасидан низом ишлаб чиқиш;

- 40 корхоналар рўйхатига киритилган йирик компанияларнинг IPO/SPOсини ўтказиш имконияти/мақсадлилиги предмети бўйича дастлабки таҳлил ўтказиш;

- “E-auksion” платформасида “Халқ IPO”си элементлари билан IPO/SPO ўтказиш учун белгиланган корхоналарнинг акцияларини савдога чиқариш тартиби ва механизмлари бўйича асослантирилган таклифларни тақдим қилиш ва Ўзбекистон Республикаси Президентининг қарори ва бошқаларига мувофиқ рўйхатга киритилган компаниялар фаолиятининг кўрсаткичлари, бозор конюктураси, мақроиқтисодий вазиятни таҳлил қилиш натижалари бўйича компанияларни сотишдан олдин тайёрлаш ва бошқа чора-тадбирларнинг ахборот-тушунтиришларни ўтказиш;

- Оптимал маркетинг стратегияси, жумладан тегишли маркетинг инструментлари ва услублари юзасидан ҳамда маркетинг материалларини (флайерлар, буклетлар, баннерлар, меморандумлар, фото-видео роликлар ва бошқалар) тайёрлаш бўйича тавсиялар ишлаб чиқиш;

- “Халқ IPO”сида иштирок этиш учун белгиланган корхоналарни савдога чиқариш бўйича аниқ мезонлари ишлаб чиқиш, бунда «Халқ IPO» ва тижорий тартибдаги савдоларни синхронлаштириш бўйича ёндашувларни такомиллаштириш, янгилаш ва ишлаб чиқиш;

- Ўзбекистон Республикаси Президентининг 2023 йил 24 мартдаги ПҚ-102-сон қарори доирасида “Халқ IPO”си элементлари билан корхоналарни IPO/SPO ўтказишнинг келгуси босқичлари бўйича чора-тадбирлар ва уларнинг ҳужжатларини (зарурата кўра) шакллантириш;

- Жойлаштириладиган акция пакетлари миқдорини аниқлаш ва корхонанинг ҳолати, мақроиқтисодий вазияти, бозор коньюктураси (жумладан, акциялардан кутилаётган даромад башоротлари), халқаро тажриба ва бошқаларни инобатга олиб корхона акцияларини жойлаштириш бошқа саволларни асослантириш учун ҳисоб-китобларни ҳамда таҳлилларни ўтказиш;

- Фонд биржаси, “E-auksion” ва жалб қилинган давлат органларининг вакиллари билан ҳамкорлик қилиш (заруратга кўра);

- Давактив агентлиги раҳбарияти ва/ёки Фонд биржаси, “E-auksion” ва бошқа манфаатдор томонларнинг вакиллари билан учрашувлар (заруратга кўра) ҳамда Ўзбекистон Республикаси Президентининг 2023 йил 24 мартдаги ПҚ-102-сон қарорининг рўйхатидаги корхоналар ва Давактив агентлиги ходимлари учун ўқув семинарлар ташкил этиш, шунингдек Давактив агентлиги томонидан ташкил этиладиган Road-Show тадбирларида иштирок этиш;

- Битимнинг молиявий ва тижорий жиҳатлари бўйича маслаҳат бериш (масалан, эмиссиянинг проспекти, маректинг ҳужжатларига шарҳлар);

- Лойиҳа (заруратга кўра, акцияларни олди-сотди шартномаси, унинг ҳужжталри)ни, лойиҳа ҳужжатларини тайёрлаш ва уни келишишни ҳуқуқий, тижорат ва молиявий жиҳатлари бўйича маслаҳатлар бериш;

- Давактив агентлиги қарашини шакллантириш учун компанияларда IPO ўтказиш доирасида шўъба ташкилотлари томонидан жалб қилинган бошқа консультантлар томонидан тайёрланган материаллар бўйича маслаҳатлар бериш.

Белгиланган ишлар ҳажми Келишув/Шартнома ва Буюртмачи ва Пудратчи ўртасидаги муносабатларни тартибга солувчи бошқа ҳужжатларни тайёрлаш жараёнида, жумладан Буюртмачи томонидан жойлаштиришнинг муайян усулини танлашни ҳисобга олган ҳолда белгиланиши мумкин.

Акция пакетлари «битта акция — битта лот» тамойили асосида халқ IPOсини ўтказиш тартибида оммавий савдолар орқали сотиладиган 40 та корхоналар рўйхати 

 Изоҳ: Акциялар сони ўзгарган тақдирда сотув ўзгаришларни ҳисобга олган ҳолда амалга оширилади.
* давлат улуши устун мавқега эга бўлган хўжалик жамияти улуши сотилади;
** акциядорлик жамияти сифатида қайта ташкил этилгандан сўнг акциялар савдога чиқарилади.