Ўзбекистон Республикаси Президентининг 2023 йил 23 январдаги “Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида”ги ПФ-13-сон Фармони билан Давлат объектларини ижарага бериш муддатлари 1 йилдан 3 йилгача, мажбурият бажарилганда эса 5 йилдан 6 йилгача узайтирилди.

Ҳусусан, бўш турган давлат объектларидан самарали фойдаланиш тартиби такомиллаштирилди. Жумладан, 3 ойдан ортиқ фойдаланилмасдан бўш турган давлат мулки объектларини (ижтимоий объектлар бундан мустасно) белгиланган тартибда балансда сақловчиларнинг розилигисиз ижарага бериш ёки сотиш учун онлайн-аукцион савдоларига чиқарилиши белгиланди.

Шу билан бирга, ҳоким ёрдамчиларининг онлайн-буюртманомасига асосан ҳудуди 2 000 кв.м.гача бўлган давлат кўчмас мулк объектларини сотишдан тушумлар ушбу маҳалла учун алоҳида очилган Маҳалланинг ижтимоий-иқтисодий муаммоларини ҳал этиш жамғармасига тўлиқлигича ўтказилади. Шунингдек, ҳудуди 10 000 кв.м.гача бўлган давлат кўчмас мулк объектлари сотилишидан тушумларнинг 90 фоизи маҳаллий бюджетларга (45 фоизи вилоят бюджетига, 45 фоизи объект жойлашган туман (шаҳар) бюджетига) йўналтирилади.

Шунингдек, ҳоким ёрдамчилари томонидан ўз ҳудудида бўш турган давлат кўчмас мулк объекти ёки қишлоқ хўжалигига мўлжалланмаган ер участкаларини аниқлаган ҳолларда, “Yerelektron” ААТ орқали юборилган онлайн-буюртманома тегишли идоралар томонидан кўриб чиқилади ҳамда ижобий хулоса берилган тақдирда, тўғридан-тўғри электрон онлайн-аукцион савдоларига чиқарилиши белгиланди.