Davlat aktivlarini boshqarish agentligi Toshkent viloyati, Bo'stonliq tumani, Qoronqul MFYda joylashgan boshlang'ich narxi 37 mlrd. so'mlik Anhor Sayli (sobiq “Aziz” va “Kazbek”) dam olish oromgohlari ochiq auksion natijasida "E-auksion" elektron savdo platformasi orqali 61 mlrd. so'mga sotilganligini ma'lum qiladi.
2023-yil 6-mart kuni o'tkazilgan onlayn-auksion savdosida Impower trading MCHJ g'olib deb topildi.
Ushbu onlayn-savdo 5 nafar talabgor o'rtasida qizg'in kechdi va savdoda boshlang'ich narxga nisbatan 24 mlrd. so'm qimmatroq narx taklif etildi.
Ma'lumot uchun, ushbu davlat aktivi 1,9 gektar yer maydoni hamda 3 831 kv. metr bino-inshootlarga ega.
