Давактив агентлигининг жорий йил 19 августдаги “Uzbekistan Airways” АЖни хусусийлаштириш стратегиясини ишлаб чиқиш учун профессионал консалтинг компанияси жалб қилиш юзасидан танлов эълонига мувофиқ қуйидагилар маълум қилинади.
Ўзбекистон Республикаси Давлат активларини бошқариш агентлиги “Uzbekistan airways” АЖни хусусийлаштириш стратегиясини ишлаб чиқиш учун қизиқиш билдираётган профессионал консалтинг компанияларнинг мурожаатларига мувофиқ уларга малакавий тайёргарлик кўришга қўшимча имконият яратиш, мазкур жараёнларни янада шаффоф ва рақобат муҳитида ўтказиш, шунингдек қўшимча салоҳиятли талабгорларни жалб қилиш мақсадида, “Uzbekistan airways” АЖни хусусийлаштириш стратегиясини ишлаб чиқиш учун профессионал консалтинг компанияларидан аризалар қабул қилиш муддати 2022 йил 26 сентябрь куни соат 18:00 га (Тошкент вақти билан) қадар узайтирилганлигини маълум қилади.
Аввалги чоп этилган “Uzbekistan airways” АЖни хусусийлаштириш стратегиясини ишлаб чиқиш юзасидан Таклиф тақдим этиш учун сўровнома (RfP)нинг қолган барча маълумотлари ўзгаришсиз қолмоқда.
Қўшимча маълумотлар билан қуйидаги ҳавола орқали танишишингиз мумкин.
